Vitamina B2
Riboflavinë
Vitamina B2 (riboflavina) është një vitaminë e tretshme në ujë që përbëhet nga flavina dhe ribitoli. Rboflavina është një pigment i verdhë, fluoreshent, i ndjeshëm ndaj dritës së dukshme. Merret nëpërmjet ushqimeve me origjinë shtazore si: djathi, qumështi, mëlçia, vezët dhe perime të ndryshme që pasurohen me riboflavinë. Qumështi humbet një sasi të konsiderueshme të riboflavinës gjatë gatimit. Bakteret e traktit gastrointestinal sintetizojnë riboflavinën, por jo të mjaftueshme për të përmbushur nevojat ditore. Vitamina B2 është një përbërës kyç i koenzimave të përfshira në rritjen e qelizave, prodhimin e energjisë dhe zbërthimin e yndyrnave, steroideve dhe ilaçeve. Riboflavina depozitohet në trup dhe teprica ekskretohet nëpërmjet urinës. Literatura pohon se vitamina B2 ka aktivitet antioksidues dhe anti-inflamator, dhe përdorimi i saj rekomandohet për dëmtime të ndryshme të mëlçisë.
Nevojat ditore: Marrja e rekomanduar ditore për burrat mbi moshën 19 vjeç është 1.3 mg/ditë, dhe për gratë e së njëjtës moshë është 1.1 mg/ditë. Gjatë shtatzënisë dhe laktacionit, nevoja ditore për këtë vitaminë rritet dhe arrin nga 1.4 mg/ditë në 1.6 mg/ditë.
| Mosha | Mashkull | Femër | Shtatzënia | Laktacioni |
|---|---|---|---|---|
|
0-6 muaj |
0.3 mg* |
0.3 mg* |
|
|
|
7-12 muaj |
0.4 mg* |
0.4 mg* |
|
|
|
1-3 vite |
0.5 mg |
0.5 mg |
|
|
|
4-8 vite |
0.6 mg |
0.6 mg |
|
|
|
9-13 vite |
0.9 mg |
0.9 mg |
|
|
|
14-18 vite |
1.3 mg |
1.0 mg |
1.4 mg |
1.6 mg |
|
19-50 vite |
1.3 mg |
1.1 mg |
1.4 mg |
1.6 mg |
|
51+ vite |
1.3 mg |
1.1 mg |
|
|
Metabolizmi i vitaminës B2: Riboflavina e lirë absorbohet në pjesën proksimale të zorrës së hollë. Një pjesë e riboflavinës në qarkullim është e lidhur me albuminat, dhe pjesa e mbetur formon një kompleks me proteina të tjera. Shndërrimi i riboflavinës në koenzimat flavin mononukleotid dhe flavin adeninë dinukleotid ndodh në plazmën e qelizave të zorrës së hollë, mëlçisë, zemrës dhe veshkave. Riboflavina ekskretohet nga trupi nëpërmjet urinës, veçanërisht kur gëlltitet në sasi të mëdha, kështu që toksiciteti i saj është i panjohur. Forma e lirë e vitaminës B2 nuk e kalon placentën, por estrogjeni tek gratë shtatzëna shkakton formimin e bartësve të riboflavinës që kanë aftësinë të transportojnë riboflavinën nëpërmjet placentës në qarkullimin fetal.
Mungesa e vitaminës B2: Mungesa e riboflavinës është shumë e rrallë. Mosfunksionimi i gjëndrës tiroide mund të rrisë rrezikun e mungesës së riboflavinës. Mungesa e vitaminës B2 shoqërohet më shpesh me mungesë të vitaminave të tjera të tretshme në ujë. Simptomat e kësaj mungese vitamine mund të përfshijnë: buzë të çara, dhimbje fyti, ënjtje të gojës dhe fytit, gjuhë të fryrë (glositis), anemi, skuqje, rënie flokësh, sy të skuqur, dermatit seborroik. Alkoolistët shpesh kanë mungesë të kësaj vitamine, për shkak të përthithjes së reduktuar ose marrjes së pamjaftueshme përmes ushqimit. Të porsalindurit me hiperbilirubinemi, të trajtuar me fototerapi, kanë simptoma të hipovitaminozës për shkak të ndjeshmërisë së riboflavinës ndaj dritës.
Shumë studime kanë vërtetuar se mungesa e vitaminës B2 çon në sëmundje neurodegjenerative, por edhe në migrenë, kështu që suplementimi me vitaminë B2 rekomandohet për sëmundjet e mëposhtme: goditje në tru, sklerozë të shumëfishtë, sëmundje të Parkinsonit, por edhe për gjendje të tjera neurologjike, sepse riboflavina konsiderohet antioksidant i fortë.
Tepricë e vitaminës B2: Një mbidozë e vitaminës B2 nuk është përcaktuar, sepse nuk ka një dozë toksike të përcaktuar të riboflavinës.